Инцидентот што ја потресе Штипската клиничка болница се случил во раните утрински часови во средата, кога 29-годишен жител на село Таринци, општина Карбинци, изгубил контрола врз себе веднаш по трагичната вест дека неговиот татко не успеал да биде спасен.
Во болницата нешто по полноќ бил донесен 54-годишниот В.А., кој имал потреба од итна медицинска помош. Иако персоналот се борел да му го спаси животот, лекарите морале да констатираат смрт.
Кога неговиот син, Ј.А. (29), пристигнал во болницата и ја слушнал страшната вест, ситуацијата за само неколку секунди излегла од контрола. Очевидци велат дека младиот маж врескал, плачел и влегол во состојба на шок – а потоа почнал да го демолира болничкиот објект.
Според информациите на полицијата, тој агресивно се однесувал кон медицинскиот персонал, кршел стакла, прозорци и делови од инвентарот додека обидите да се смири останале безуспешни. Болницата во едeн момент личела како да е погодена од удар – толку силен бил избувнувањето на бесот.
Полициските службеници од СВР Штип веднаш интервенирале и го лишиле од слобода.
За случајот бил известен и јавен обвинител, кој наредил телото на починатиот да биде предадено на обдукција. По целосното документирање на настанот, против 29-годишниот маж ќе биде поднесен соодветен поднесок.
Настанот остави силен впечаток и кај болничкиот персонал и кај пациентите кои се нашле таму – трагедија што за неколку секунди преминала од болка во хаос.
