Тешка сообраќајна несреќа се случила вчера на локалниот пат меѓу селата Кучково и Волково, кога автобус „ЛАЗ“ со скопски регистарски таблички, управуван од 61-годишниот И.С. од селото Никиштани, се судрил со патничко возило „Сузуки Свифт“, исто така со скопски регистарски ознаки, во кое зад воланот бил 71-годишниот Б.Т. од Скопје.
Од ударот, возачот на автомобилот се здобил со тешки телесни повреди и веднаш бил пренесен во Градската општа болница „8 Септември“, каде што му биле констатирани сериозните повреди.
Полицијата извршила целосен увид на местото на несреќата, а причините за судирот сè уште се утврдуваат. Информации за други повредени лица нема.
