За време на „црн петок“ инспекторите од Државниот пазарен инспекторат започнаа засилени контроли низ целата држава за да ги спречат нечесните трговски практики, кои секоја година носат многу пријави од граѓаните. Целта е јасна – заштита на потрошувачите и санкционирање на сите што лажно прикажуваат попусти.
Пресечени ќе бидат лажните попусти – казните се сериозни
Според ДПИ, 30 инспекциски тимови ќе вршат контроли во продавниците во текот на целиот викенд. Казните се високи:
- Од 500 до 10.000 евра за правните субјекти,
- Од 150 до 500 евра за одговорните лица.
Инспекторите веќе детектирале најчеста измама: ➡️ Производ што чини 2.000 денари, пред попуст е „лажно“ означен како 3.000 денари, а потоа истата цена од 2.000 денари се прикажува како намалена.
Законски, попустот мора да се пресмета од најниската цена во последните 30 дена, што трговците често го заобиколуваат.
На што треба да внимаваат потрошувачите?
Организацијата на потрошувачи на Македонија предупредува граѓаните да купуваат внимателно и да внимаваат на следниве детали:
- На производот мора да има две јасно означени цени – стара и нова.
- Ако продавницата рекламира попуст од 70%, провери дали важи за сите производи, или само за стар асортиман.
- Внимавај дали трговецот прифаќа замена или враќање, бидејќи често одбиваат за производи купени на голем попуст.
- Честа практика е трговците да ги намалуваат само моделите што се заостанати или несезонски.
Иако има многу злоупотреби, дел од продавниците нудат реални попусти од 10% до 30% на целиот асортиман, додека попустите до 70% најчесто важат за ограничени производи.
Каде да се пријават измами?
Граѓаните може да пријават нерегуларности: 📞 На телефон 191 🌐 На www.dpi.gov.mk
Инспекторатот ги охрабрува потрошувачите веднаш да пријават доколку се сомневаат во лажни попусти или манипулации.
