Петгодишната Лајла Марсланд почина од менингитис едвај неколку часа откако лекарите ја пуштиле од болница со погрешна дијагноза за ангина (упала на крајници), пренесува британскиот весник „Мирор“ (Mirror). Болничкиот фонд на британската Национална здравствена служба (NHS) ја призна кобната грешка по овој фатален пропуст и ѝ исплати отштета на семејството. Случајот во кој болницата пропуштила соодветна проценка, навремена дијагностика и лекување на смртоносната бактериска инфекција предизвика лавина од револт и огорченост во јавноста.
Мајката го претчуствувала најлошото: Лекарите ги игнорирале предупредувањата на здравствената работничка
Трагедијата се одигра кон крајот на декември 2023 година, кога мајката Рејчел, која и самата работи како медицинска сестра, ја донела ќеркичката во болница во Тејмсајд со силни главоболки, болки во вратот и мачнина.
Иако мајката експлицитно им нагласила на дежурните лекари дека стравува од можен менингитис, тие на девојчето му дијагностицирале само воспаление на крајниците, ѝ препишале орални антибиотици и ја испратиле на домашно лекување.
Затекнато без знаци на живот: Кобниот немар го згаснал младите животи
Следното утро, Рејчел ја затекнала својата ќеркичка во креветот без знаци на живот. Екипата на брза помош што набргу пристигнала на лице место можела само да ја констатира смртта на малата Лајла — и тоа само две недели пред нејзиниот 6. роденден.
По покренатиот правен судски постпак, управата на болницата призна дека девојчето морало итно да биде хоспитализирано и веднаш да прими интравенски антибиотици. Званичната истрага потврди дека смртта настапила како последица на неизлечен пневмококен менингитис, на што директно придонел тешкиот немар на медицинскиот персонал.
Болка што не минува: Фондација за помош на децата
— Срцето ни се кине кога знаеме дека Лајла не ја доби негата што мораше да ја има и дека, во моментот кога помошта ѝ беше најпотребна, целосно ја изневерија — порача неутешната мајка.
Претставниците на болницата упатија искрено извинување до семејството, со ветување дека ќе ги променат и ќе ги поострат внатрешните протоколи. Семејството сега е посветено на ширење на свеста и апелира до сите родители никогаш да не се двоумат да побараат второ лекарско мислење доколку посомневаат во здравјето на своето дете.
— Ако со нашето истапување успееме да спречиме истата трагедија да му се случи на кое било друго дете, смртта на нашата ќерка нема да биде целосно залудна — додаде Рејчел.
Во знак на сеќавање на девојчето, родителите основаа хуманитарна организација „Лајлино светло“, која дава поддршка на малите деца соочени со губење на браќа или сестри, а преку фондацијата досега се собрани повеќе од 33.000 фунти.
