Трагедија го потресе бугарскиот град Сливен, откако петгодишно момче го загубило животот во несреќа во населбата „Надежда“.
Според првичните информации, инцидентот се случил кога 10-годишно дете, кое управувало електричен тротинет, ненамерно удрило во петгодишното момче. Од силниот удар, детето паднало и се здобило со исклучително тешки повреди.
И покрај обидите да му биде укажана помош, повредите биле фатални и петгодишното момче починало.
Полицијата ги утврдува сите околности под кои се случила трагедијата, додека надлежното обвинителство отворило истрага за случајот.
