Полицијата во Тетово уапси 27-годишен штипјанец, осомничен за неколку кражби извршени во текот на минатата недела.
Според информациите од МВР, на 8 септември 2026 година во 12:45 часот, полициски службеници од СВР Тетово го лишиле од слобода М.Ц. (27) од Штип, со живеалиште во Тетово.
Тој е осомничен за „тешка кражба во обид“ извршена во спортска обложувалница, како и за уште две кривични дела „дрска кражба“.
Од МВР информираат дека случаите биле извршени во текот на минатата недела.
Осомничениот е задржан во полициска станица, а по целосното расчистување и документирање на случаите против него ќе биде поднесена соодветна пријава.
