Полицијата истражува случај на физички напад врз тројца малолетници во скопската општина Аеродром, откако мајка на едно од момчињата пријавила дека нејзиниот син и неговите двајца другари биле нападнати од група малолетници.
Според информациите од Министерството за внатрешни работи, вчера во СВР Скопје настанот го пријавила 49-годишна жена.
Таа навела дека инцидентот се случил на 31 октомври 2026 година, околу 21:45 часот, на подрачјето на општина Аеродром. Нејзиниот малолетен син и уште двајца негови другари биле физички нападнати од неколку малолетници, од кои дел им биле познати.
Од полицијата информираат дека се преземаат мерки за целосно расчистување на случајот и утврдување на сите околности поврзани со нападот.
