Претседателот на скопската организација на СДСМ и поранешен директор на ЗОО Скопје, Ѓорѓи Галетановски, сподели фотографии од својот запален автомобил и остро ја осуди групата која стои зад инцидентот.
„Трет ден никој од полицијата не ми се јавил, но знам дека инспекторите секојдневно чешлаат камери и вршат распити. Се надевам дека ќе ја пронајдат оваа кукавичка криминална банда и ќе го вратат мирот на граѓаните“, напиша Галетановски на својот Фејсбук профил.
Тој додаде дека ваквите напади не се само материјална штета, туку и психички терор врз луѓето, барајќи казните за вакви кривични дела да се изедначат со санкциите за тероризам.
