Полицијата во Белград уапси 56-годишен маж кој е осомничен дека предизвикал сериозен инцидент по расправија во сообраќајот.
Според информациите, сè започнало по конфликт меѓу возач на „мерцедес“ и 25-годишен возач на комбе. Осомничениот наводно извадил огнено оружје и испукал неколку куршуми кон другото возило.
Набргу потоа следувала нова драма. Возачот на „мерцедесот“ удрил во комбето, а од силината на ударот комбето завршило во мотоциклист кој се движел по патот. Во несреќата мотоциклистот поминал со полесни повреди.
На местото интервенирала полицијата, која брзо го пронашла и привела осомничениот. Против него се води постапка поради предизвикување општа опасност и недозволено поседување и употреба на оружје.
По налог на обвинителството, на 56-годишниот маж му е одреден притвор до 48 часа, по што ќе биде изведен пред надлежните органи. Истрагата за случајот продолжува.
