Човечки череп и други предмети се пронајдени во близина на македонско-албанската граница, во атарот на селото Лабуништа, по што надлежните институции започнаа истрага за утврдување на потеклото на останките и околностите под кои се нашле на оваа локација.
Според информациите од Министерството за внатрешни работи, на 25 јули 2026 година полициски службеници од Полициската станица за граничен надзор Лабуништа, при извршување службени активности во реонот на Подгоречкото Езеро, пронашле човечки череп и други предмети.
Местото каде што биле откриени останките се наоѓа во непосредна близина на државната граница со Албанија, по што веднаш биле известени надлежните институции.
Од МВР информираат дека во координација со другите надлежни служби се преземаат сите неопходни мерки за целосно расчистување на случајот, како и за утврдување на идентитетот на лицето и сите околности поврзани со пронајдените човечки останки.
