Земјотрес со магнитуда од 2,3 степени според Рихтеровата скала е регистриран во текот на изминатата ноќ во Србија, во близина на Димитровград, на крајниот југоисток од земјата.
Според податоците објавени од Сеизмолошкиот завод на Србија, земјотресот се случил во 21:41 часот. Станува збор за слаб земјотрес, со релативно мала магнитуда.
Потресот е регистриран во подрачјето околу Димитровград, кое и претходно во текот на летото беше зафатено од сеизмичка активност.
Имено, во средината на август во истото подрачје бил регистриран уште еден земјотрес. Новиот слаб потрес повторно го привлече вниманието кон сеизмичката активност во овој дел од Србија.
Засега нема информации за причинета материјална штета или повредени лица како последица на земјотресот.
