Вистински Хаос: Кошаркари на Партизан се тепаат пред ноќен клуб во Белград [ВИДЕО]

Доцна во ноќта меѓу недела и понеделник, пред еден белградски ноќен клуб избила жестока пресметка во која учествувале четворица странски кошаркари на Партизан – Карлик Џонс, Стерлинг Браун, Исак Бонга и Франк Ниликина.

Според извештаите на српските медиуми, инцидентот започнал откако група мажи од клубот почнале да ги провоцираат и им дофрлале на девојките кои биле во друштво со кошаркарите. Тоа предизвикало вербална расправија која брзо прераснала во физички судир пред влезот на локалот.

Најсериозен инцидент се случил кога, наводно, Карлик Џонс скршил стаклено шише од главата на еден од учесниците во тепачката и потоа го удрил со скршеното шише по лицето.

Инцидентот предизвика бурни реакции во јавноста, а повеќе детали од истрагата се очекуваат наскоро.