Александар Вучиќ поднесе оставка од функцијата претседател на Србија, пред предвремените парламентарни избори закажани за 25 октомври. Веста за оставката е потврдена и од повеќе српски и меѓународни медиуми.
Вучиќ претходно најави дека на 27 септември ќе ја напушти претседателската функција, по што во изборната кампања ќе учествува како граѓанин. Тој порача дека во годините на функцијата „верно“ ѝ служел на Србија и на нејзините граѓани.
Пред официјалното обраќање, Вучиќ им се обрати и на граѓаните собрани пред Претседателството во Белград, заблагодарувајќи им се за долгогодишната поддршка.
Со оставката се отвора постапката за избор на нов претседател на Србија. Во меѓувреме, Вучиќ останува директно вклучен во претстојната парламентарна изборна трка како носител на листата „Обединета Србија – Александар Вучиќ“.
