Трагичен инцидент се случил на хрватскиот полуостров Пељешац, каде што маж починал од тешките повреди здобиени во пожар во гаража.
Според информациите од полицијата, пожарот избувнал во петокот околу 9:30 часот. На повредениот веднаш му била укажана прва помош, по што со хеликоптер итно бил пренесен на лекување во Клиничкиот болнички центар во Сплит.
И покрај напорите на лекарите, поради сериозноста на повредите мажот починал следниот ден.
Полицијата извршила увид, при што било утврдено дека пожарот најверојатно избувнал поради палење на мешавина од погонско гориво во внатрешноста на објектот, со која мажот невнимателно ракувал.
Огнот ја зафатил неговата облека, а потоа се проширил низ гаражата. Во пожарот изгореле различни земјоделски алати, додека пламените јазици зафатиле и околу 20 квадратни метри ниска вегетација во близина.
На местото интервенирале пожарникари, кои успеале да го локализираат и целосно да го изгаснат пожарот.
