Страшен семеен случај ја потресе околината на Клина, каде маж е осомничен дека го запалил креветот на кој се наоѓала неговата сестра, а потоа со тврд предмет ја нападнал и нивната мајка.
Инцидентот се случил на 6 септември во село во општина Клина.
Според полициските информации, осомничениот најпрво го запалил креветот на кој се наоѓала неговата сестра, по што отишол во соседната просторија и ја нападнал мајка си.
Двете жени се здобиле со тешки повреди и најпрво биле пренесени во Регионалната болница во Пеќ, а потоа, поради сериозноста на нивната состојба, биле транспортирани во Универзитетскиот клинички центар во Приштина.
Сестрата на осомничениот се здобила со тешки изгореници и, и покрај лекарските напори, на 7 септември им подлегнала на повредите.
Мајката, пак, се здобила со тешки телесни повреди и била задржана на лекување.
Полицијата го уапсила осомничениот непосредно по настанот, а по налог на обвинител му било определено задржување од 48 часа.
Поради неговата тешка психичка состојба, тој бил сместен на психијатриското одделение во Регионалната болница во Пеќ, каде се наоѓа под медицински и полициски надзор.
Основното обвинителство во Пеќ во меѓувреме побарало определување притвор поради сомнение за тешко убиство и обид за тешко убиство.
Телото на починатата било испратено на обдукција, а истражните органи продолжуваат со преземање мерки за целосно расветлување на случајот и утврдување на мотивот.
