Двајца браќа, Е.З. и Б.З. (33), синоќа нешто по 23 часот завршиле во Ургентниот центар во Белград по физички напад во еден клуб во близина на Зелен Венец.
Според неофицијалните информации, 22-годишниот М.К., државјанин на Црна Гора, без претходна причина физички го нападнал Б.З. Кога неговиот постар брат Е.З. се вмешал за да го заштити и да ги раздели, М.К. наводно го гризнал во пределот на левата страна од градите и не го пуштал.
Додека Е.З. се обидувал да се ослободи, одзади му пришол и 20-годишниот С.М., кој го фатил за вратот и почнал да го удира по главата.
Браќата успеале да излезат од клубот и стигнале до раскрсницата на улиците Маршала Бирјузова и Зелен Венец, од каде што повикале полиција. Полициската патрола набргу пристигнала и ги затекнала повредени, додека двајцата осомничени напаѓачи биле приведени.
Со алкотестирање било утврдено дека С.М. имал 1,34 промили алкохол во крвта. Кај М.К., пак, не било можно да се изврши тестирање, бидејќи бил во тешка состојба на алкохолизираност и/или под дејство на психоактивни супстанции.
Двајцата повредени браќа биле пренесени на медицински преглед, додека истрагата за целиот случај продолжува.
