Клима-уредите се вистинско спасение во летните горештини, но многумина веруваат дека токму тие се виновни за болки во грлото, главоболки и симптоми слични на настинка. Според експертите, тоа не е сосема точно.
Пулмологот д-р Вилијам Чекли објаснува дека подолгиот престој во климатизирани простории може да предизвика сувост на носот и грлото, иритација на дишните патишта и други непријатности, но самиот клима-уред не предизвикува вирусни или бактериски инфекции.
Проблемите најчесто се јавуваат кога температурата е поставена прениско, кога воздухот е премногу сув или кога филтрите не се чистат редовно, што може да овозможи ширење на прашина, алергени и микроорганизми.
Експертите советуваат разликата меѓу надворешната и внатрешната температура да не биде преголема, клима-уредите редовно да се одржуваат, а просториите повремено да се проветруваат за да се намали ризикот од иритации и респираторни тегоби.
