Во Јадранското Море сè почесто се забележува рибата лав (lionfish), инвазивен вид познат по своите отровни боцки. Неодамна била снимена во близина на брегот во Црна Гора, а еден примерок бил уловен на само неколку метри од плажа полна со капачи.
Иако најчесто престојува на морското дно, експертите предупредуваат дека нејзиното ширење може да претставува закана и за морскиот екосистем и за луѓето.
Убодот од рибата лав може да предизвика силна болка, оток, грчеви, потење и проблеми со дишењето. Доколку дојде до контакт, препораката е повреденото место веднаш да се потопи во топла вода и што побрзо да се побара медицинска помош.
Овој вид природно живее во Индискиот Океан и Црвеното Море, а во Медитеранот пристигнал преку Суецкиот канал. Освен во Црна Гора, веќе е забележан и долж хрватскиот брег, што укажува дека постепено се шири низ Јадранот.
Поради неговото брзо размножување и негативното влијание врз домашните видови риби, научниците ги повикуваат нуркачите, рибарите и граѓаните да пријавуваат секое ново забележување на рибата лав до надлежните служби.
