Францускиот претседател Емануел Макрон најави дека на 8 декември ќе отпатува за Лондон, каде ќе оствари средба со украинскиот претседател Володимир Зеленски. Во разговорите ќе учествуваат и британскиот премиер Кир Стармер и германскиот канцелар Фридрих Мерц, јавува „Фигаро“.
Целта на состанокот е да се разгледа тековната состојба и напредокот на преговорите во рамките на иницијативата за посредништво на САД за прекин на војната во Украина.
Макрон истакна дека „Русија прибегнува кон сè поагресивен пристап и не покажува подготвеност за мир“, и остро ги осуди масовните напади врз Украина, посебно насочени кон енергетската и железничката инфраструктура.
