Началникот на СВР Скопје, Сашо Топаловски, најави сериозно заострување на контролата на паркирањето во главниот град, со цел воспоставување ред и намалување на постојаниот сообраќаен метеж. Во гостување во емисијата „Претрес“, тој откри дека полициски возила опремени со напредни камери, директно поврзани со системот „Безбеден град“, ќе патролираат низ Скопје и непрекинато ќе ги регистрираат сите неправилно паркирани возила.
Топаловски истакна дека секое застанување на булеварите каде што не е дозволено паркирање, вклучително и кратките паузи од „само пет минути“, ќе биде санкционирано без исклучок. Според него, завршувањето „брза работа“ со оставено возило на недозволено место повеќе нема да помине без последици, бидејќи новите патролни возила ќе кружат постојано и на повеќе локации низ денот.
+Посочено е дека сите возачи кои ќе решат да го блокираат сообраќајот или да го успорат движењето на булеварите со несоодветно паркирање ќе се соочат со казни, бидејќи СВР Скопје решително се насочува кон воспоставување ред и дисциплина. Целта на мерката е да се ослободи јавниот простор, да се спречи хаосот создаден од непрописно паркирани возила и да се обезбеди побрз и побезбеден проток на сообраќајот во градот.
