Три лица загинаа во тешка хеликоптерска несреќа на грчкиот остров Сифнос, откако мал приватен хеликоптер се урнал во понеделникот вечерта и предизвикал пожар.
Несреќата се случила во областа Толос, во близина на хелиодромот на островот. Според грчките власти, во леталото се наоѓале три лица и телата на сите биле пронајдени на местото на несреќата.
По падот, хеликоптерот бил зафатен од пламен, а на терен веднаш биле испратени пожарникари и спасувачки екипи. Очевидци опишале дека по ударот се слушнала силна експлозија, по што леталото се претворило во огнена топка.
Причината за несреќата засега не е официјално утврдена и надлежните служби започнаа истрага.
Сифнос е еден од Кикладските Острови во Егејското Море и е позната туристичка дестинација во Грција.
Видео:
