Американскиот претседател Доналд Трамп повторно предизвика реакции со изјава за Ормускиот Теснец, еден од најважните поморски коридори во светот, нарекувајќи го „американска територија“.
Трамп ја дал изјавата за време на политички собир во Јужна Каролина, во период кога конфликтот меѓу САД и Иран се приближува кон шестиот месец, а двете страни сè уште немаат постигнато мировен договор.
Според објавените информации, американскиот претседател рекол дека во моментов го гледа Ормускиот Теснец како американска територија, во контекст на воената блокада и контролата врз поморскиот сообраќај.
Американската централна команда соопштила дека досега биле пренасочени 68 комерцијални бродови заради спроведување на блокадата.
Ормускиот Теснец има огромно стратешко и економско значење. Сместен е меѓу Иран и Оман и преку него вообичаено минува околу една петтина од светската нафта што се транспортира по морски пат.
Трамп и претходно зборувал за американска контрола врз теснецот, тврдејќи дека ниту еден брод не може да помине без американско одобрение. На социјалните мрежи објавил и мапа на која водниот пат бил означен како нова американска територија.
Од Техеран стигна остар одговор. Иранскиот заменик-министер за надворешни работи Казем Гарибабади ги отфрлил ваквите тврдења, оценувајќи ги како „заблуди“.
