Грозоморниот инцидент се случи во голем супермаркет во Ескишехир, Турција, кога Ц. Е., татко на петгодишно дете, брутално го нападна својот син пред присутните купувачи. На видеото објавено од локалните медиуми се гледа како мажот неколку пати го шутира детето додека лежи на подот, а потоа, кога детето се обидува да стане, го удира толку силно по главата што повторно паѓа на подот.
Сведоци на настанот се шокирани, особено кога се гледа жена која мирно стои и набљудува, а потоа полека му подава рака на мажот и се наведнува да го земе детето. Сè уште не е познато дали станува збор за мајката на момчето.
По инцидентот, полицијата брзо реагираше и го уапси Ц. Е., кој подоцна на сослушувањето дал шокантно оправдување: „Тој е многу живо дете. Исто така, беше многу немирен во продавницата. Го удрив во напад на бес, жал ми е за тоа.“
Истражниот процес вклучи и Центарот за социјална работа, бидејќи јавноста беше згрозена од фактот дека таткото по нападот продолжил да пазарува со детето и потоа го извел од продавницата. Многумина се прашуваат зошто вработените во маркетот не повикале веднаш полиција за да го спречат овој грозоморен чин.
Видеото и натаму предизвикува силни реакции, а целата јавност е згрозена од бруталноста на нападот и неодговорноста на околината.
Видео:
