Рускиот претседател Владимир Путин на Меѓународниот економски форум во Санкт Петербург изрази сериозна загриженост за растечките тензии во светот, велејќи дека постои голем потенцијал за нови судири и дека ситуацијата бара итни, мирољубиви решенија.
На директно прашање дали светот се движи кон Трета светска војна, Путин рече дека станува збор за сериозно прашање и дека ситуацијата не смее да се игнорира. Тој повика на внимателно следење на глобалните настани и мирни решенија во сите конфликтни зони.
Во однос на Иран, Путин нагласи дека Русија продолжува да ги исполнува своите обврски и ја поддржува Исламската Република, особено кога станува збор за користење на нуклеарна енергија за цивилни цели.
