Најмалку три лица, вклучувајќи го и напаѓачот, загинаа денеска, а околу 20 лица се повредени во вооружен инцидент во католичко училиште во јужниот дел на Минеаполис, Минесота, објави Министерството за правда на САД.
Според информации од Си-би-ес Њуз, напаѓачот извршил самоубиство со огнено оружје веднаш по нападот. На терен интервенираа голем број припадници на безбедносните сили, а полицијата соопшти дека повеќе нема активна закана за граѓаните.
Федералните власти открија дека напаѓачот бил маж, облечен во црно и вооружен со пушка. Инцидентот предизвика итна реакција од локалните и федералните служби, додека истрагата за мотивите и деталите продолжува.
Настанот ја потресе јавноста и ја отвори повторно дискусијата за безбедноста во училиштата во САД, како и за мерките против насилството со огнено оружје.
