Принс Мајкл Џексон, најстариот син на легендарниот „крал на попот“, откри дека по осум години врска ја запросил својата девојка Моли.
На Инстаграм објави серија романтични фотографии од моментот кога таа со насмевка го покажа вереничкиот прстен, а во описот напиша: „Моли и јас поминавме многу време заедно и создадовме неверојатни спомени. Возбуден сум за ова следно поглавје во нашите животи. Те сакам.“
Принс додаде и трогателен семеен момент – фотографија со својата свршеница и баба му Кетрин Џексон пред познатиот семеен имот Хејвенхерст во Калифорнија.
Двојката за првпат ја објави својата врска во 2018 година, а Принс тогаш изјави дека Моли е „совршената рамнотежа“ во неговиот живот.
Оваа свршувачка предизвика големо внимание кај фановите на Мајкл Џексон, кои ја поздравија веста со илјадници честитки и пораки на социјалните мрежи.
