Денеска на швајцарската страна од реката Рајна беше пронајдено безживотното тело на 41-годишен маж од Лихтенштајн. Според полицијата, телото било забележано околу утринските часови, по што веднаш започнала истрага за околностите на неговата смрт.
По дополнителни проверки на криминалистичката служба на Лихтенштајн, во стан во Вадуц беа откриени уште три безживотни тела кои се поврзани со пронајдениот маж. Според првичните информации, тие припаѓаат на неговиот 73-годишен татко, 68-годишната мајка и 45-годишната сестра.
Полицијата и истражителите од кантоналната служба во Сент Гален работат заедно за да ги утврдат сите детали околу трагедијата. Засега не се објавени информации за можни мотиви или други учесници, а истрагата е во тек.
Случајот предизвика загриженост во локалната заедница, а полицијата апелира до граѓаните да ги доставуваат сите информации кои можат да помогнат во истрагата.
