Вечерва Велес живее за кошарка! Во рамки на Прва Лига Мажи, Борец Баскет го пречекува Ролинг од Струмица во натпревар кој ветува позитивни вибрации и полна трибина. Почетокот е во 20:00 часот во СЦ „Гемиџии“, а повикот е јасен - да се собереме и заедно да ги бодриме велешките кошаркари.
Борец Баскет го најави вечерашниот натпревар во НБА стил – спектакл за крај на годината во Велес.
Ова е последниот натпревар на Борец во 2025 година и токму затоа заслужува посебно внимание. Тимот влегува мотивиран, со желба да ја затвори годината со победа и да ви подари одлична претстава во важниот дуел од трката за плејоф.
Од клубот ги покануваат сите љубители на спортот и пријателите на клубот да дојдат на уште едно заедничко дружење и да ја заокружиме годината како што доликува – со поддршка од трибините и борба на паркетот.
Токму против Ролинг Струмица започна серија од победи која сега е на 6, целта е јасна: да продолжиме и да стигнеме до седма победа по ред.
📍 СЦ „Гемиџии“
⏰ 20:00 часот
Дојдете навреме, донесете празнично расположение и да ја затвориме годината со победа! 🏀🎄
