Кремљ остро ги отфрли тврдењата дека Владимир Путин сака да го обнови Советскиот Сојуз или дека Русија се подготвува за напад врз НАТО. Портпаролот Дмитриј Песков јавно им се спротивстави на изјавите на германскиот канцелар Фридрих Мерц, нарекувајќи ги „целосна глупост“.
„Путин никогаш не кажал дека сака да го врати СССР – такво нешто е невозможно. Русија нема намера да влегува во конфронтација со Западот“, изјави Песков на брифингот во Москва.
Тој додаде дека Москва останува во контакт со американската администрација и дека се очекуваат резултати од разговорите за мировниот план што Вашингтон го разгледува во консултација со Украина.
