Нов извештај на ОЕЦД открива драматична состојба во Турција – цели 31,3% од младите меѓу 18 и 24 години спаѓаат во категоријата „NEET“ (млади кои не учат, не работат и не се обучуваат). Тоа е повеќе од двојно над просекот на ОЕЦД, кој изнесува само 14,1%.
Состојбата е уште поалармантна кај младите жени – неверојатни 41,6% не се дел од образовниот или работниот процес, додека кај мажите овој процент е 22,1. За споредба, просечната разлика меѓу половите во другите земји членки е само 1,5 поен.
Турција предничи и со најниска стапка на вработеност во целата организација – и кај високообразованите и кај оние со средно образование. Само 63% од завршените средношколци и 75,4% од дипломираните универзитетски кадри успеваат да најдат работа, далеку под просеците на ОЕЦД (77,6% и 87,1%).
Дополнително, кај возрасната група од 25 до 64 години со високо образование, речиси секој четврти (24,6%) останува невработен – податок што ја става Турција на дното на листата и отвора сериозни прашања за иднината на младите генерации.
