Американскиот претседател Доналд Трамп синоќа изјави дека рускиот претседател Владимир Путин „го држал зборот“, бидејќи руската војска не нападнала украински градови една недела, дури и по најголемиот напад со ракети и дронови во Киев оваа година.
– „Го држал зборот. Знаете, тоа е една недела. Ќе прифатиме било што, таму сега навистина е многу студено“, рече Трамп, пренесува CNN.
На прашањето дали е разочаран во Путин, Трамп одговори со само четири зборови: „Сакам да ја запре војната“. Тој додаде дека би сакал Русија да ја продолжи паузата во нападите.
Претходно, украинскиот министер за надворешни работи, Андриј Сибиха, соопшти дека Русија ноќта претходно извршила напад со 450 дронови и повеќе од 60 ракети, вклучувајќи балистички, напаѓајќи енергетски објекти и станбени згради во Киев, Дњепр, Харков, Суми, Одеса и други региони, и покрај температурите под -20°C.
Сибиха истакна дека Москва ја чекала студената температура пред да го нападне енергетскиот систем на Украина.
Украинскиот претседател Володимир Зеленски додаде дека нападот го променил пристапот на неговиот тим во преговорите и ја обвини Москва дека користи барање на Трамп за прекин на огнот како оправдување за собирање муниција, наместо подготовка за мир.
