📵 Франција во шок: Убиство во училиште ја разбуди државата – Макрон бара забрана за TikTok и Instagram!
Франција е во траур и гнев. По страшната трагедија во училиште во Ножан, каде 14-годишно момче со нож ја уби наставничката асистентка, претседателот Емануел Макрон удри на дигиталниот свет. Она што беше индивидуална трагедија, прерасна во национален аларм.
Макрон, видливо потресен, изјави: „Ќе предложам целосна забрана за социјални мрежи кај деца под 15 години – дури и ако Франција мора да делува сама.“
Причината? Според него, онлајн булингот, насилната содржина и зависноста од екраните веќе претставуваат директна закана по психичкото здравје на младите. „Ова е прашање на живот или смрт,“ рече тој во интервју за France 2.
На социјалната мрежа X, Макрон им испрати порака до големите техно-компании: „Веќе знаете колку им е години на вашите корисници – време е да преземете одговорност!“
Веста одекна низ Европа. Ќе следи ли дигитална „чистка“? Австралија веќе има сличен закон – забрана за мрежи под 16 години поради пораст на самоповреди меѓу тинејџери. Децата и покрај правилата, лесно ги заобиколуваат старосните ограничувања, а содржините што ги гледаат – ги влечат во свет од кој тешко се излегува.
Останува прашањето: Дали Европа конечно ќе се спротистави на технолошките гиганти – или само ќе набљудува додека младите тонеат?
