Во државниот затвор во Флорида синоќа беше егзекутиран 63-годишниот Дејвид Питман, осуден за брутално убиство на сестрата и родителите на својата сопруга со која бил во развод, како и за палење на нивниот дом.
Оваа егзекуција е рекордна – 12-та во Флорида во текот на 2025 година, што претставува најголем број смртни казни извршени во оваа држава во една година.
Питман беше осуден на смрт уште во 1991 година по три точки за убиство од прв степен, а дополнително беше прогласен за виновен за палење и голема кражба. Неговата последна жалба беше одбиена од Врховниот суд на САД.
Гувернерот Рон ДеСантис, кој оваа година потпиша повеќе смртни казни од било кој негов претходник, повторно ја стави Флорида во фокусот на американската јавност.
