Американскиот новинар Такер Карлсон предупредува дека САД се движат кон подготовка за нов глобален конфликт. Според него, најјасен сигнал за тоа е одлуката на претседателот Доналд Трамп да го зголеми буџетот за одбрана на 1,5 трилиони долари во 2027 година – сума карактеристична за земја која се подготвува за светска или регионална војна.
Вкупните трошоци за одбрана на САД не се ограничуваат само на Министерството за одбрана. Тука спаѓаат и средства за Министерството за енергетика, кое развива и произведува нуклеарно оружје, финансии за ЦИА и военото разузнавање, како и буџетот на Министерството за ветерани.
Годишниот извештај на Стокхолмскиот институт за мир (SIPRI) покажува дека во 2024 година, светските воени трошоци изнесувале 2,718 трилиони долари, од кои 80% се концентрирани во 15 земји. Лидер во трошоци се САД со 997 милијарди долари, следени од Кина и Русија.
Според Карлсон, овие бројки јасно укажуваат дека САД не само што го зголемуваат своето воено присуство, туку и го подготвуваат теренот за можен глобален конфликт, што според него, е знак дека светот може да се соочи со нова ескалација на воените напнатости.
