Главниот нафтовод Рјазан-Москва, клучен за снабдување на рускиот главен град со нафтени производи, вчера експлодираше во Рјазанскиот регион, јавува Укринформ повикувајќи се на извори од украинската Служба за одбранбено-разузнавање (ДИУ).
Силната експлозија предизвика пожар, а на терен беа испратени пожарникари и амбулантни возила за справување со ситуацијата. Жителите пријавија присуство на полиција и други служби во селото Божатково, кои работат на отстранување на последиците од инцидентот.
Од 2018 година, нафтоводот е пренаменет за снабдување со бензинско гориво за компанијата Транснефт, која обезбедува и гориво за руската армија. Поради експлозијата, протокот на нафтени производи кон Москва е суспендиран на неодредено време, што создава сериозна закана за снабдувањето на руската престолнина.
