Месечниот конфликт меѓу двајца соседи во Виена доби правна завршница што предизвика бројни реакции. Даниел (42), татко на две деца, по работа уживал во цигара на својата тераса – навика која, според соседот од станот погоре, му предизвикувала непријатност и мирисно вознемирување.
Иако истрагата не утврдила никакво реално вознемирување, тужбата сепак завршила во полза на соседот. Окружниот суд во Флоридсдорф пресудил дека Даниел мора да се придржува до строго определени временски интервали во кои му е дозволено да пуши на сопствената тераса.
Судската одлука ги дефинира следните термини:
Од април до октомври: – 6:00 – 8:00 – 10:00 – 12:00 – 15:00 – 18:00 – 20:00 – 22:00
Од ноември до април: – 8:00 – 9:00 – 13:00 – 14:00 – 19:00 – 20:00
Во сите останати периоди пушењето е строго забрането – дури и ако се работи за тераса која е дел од сопствен стан.
Оваа пресуда отвори широка дебата за тоа до каде се движи правото на личен простор и кога почнува нарушувањето на туѓиот мир, оставајќи многумина збунети околу тоа што навистина може да се смета за „вознемирување“ во урбаното живеење.
