Хрватскиот премиер, Андреј Пленковиќ, по состанокот на т.н. „коалиција на подготвените“ во Париз, изјави дека Хрватска нема намера да испраќа свои војници во Украина, дури ни во случај на постигнување прекин на огнот.
Пленковиќ нагласи дека Загреб ќе продолжи да ја поддржува Украина политички, хуманитарно и логистички, но без директно воено присуство на терен. „Секојата земја самостојно одлучува за нивото и формата на својот ангажман“, додаде тој.
Состанокот во Париз беше насочен кон разгледување на можни безбедносни гаранции за Украина и идните чекори по евентуално завршување на воените дејства. Сепак, ставовите меѓу земјите членки остануваат различни, особено во делот за распоредување странски сили на украинска територија.
