Денеска во Прилеп се одржа традиционалниот Божиќен ручек за околу 500 деца од речиси целата земја. Настанот, под мотото „Едно небо за сите деца“, се организира по 20-ти пат од невладината организација „Детска амбасада за сите деца во светот“, со цел да промовира толеранција, заедништво и прифаќање на различности.
Десетгодишниот Давид Котески од Прилеп порача дека најважното што му треба е љубов, а не материјални подароци.
Александра Северкоска Стојаноски, извршен директор на организацијата, истакна дека на настанот учествуваат деца од различни градови, верски конфесии и целни групи, со цел да се поттикне пријателство и заедништво.
Епископот Велички Никола го благослови ручекот и порача дека возрасните треба да побараат прошка од децата и да работат на создавање подобар свет за идните генерации.
Прилепскиот градоначалник Дејан Проданоски ја изрази поддршката на локалната самоуправа и им подели новогодишни пакетчиња на децата, истакнувајќи дека ваквата детска радост треба да го одбележи целата 2026 година.
На свеченоста беа доделени и плакети и признанија, а годинава Орденот на мирот го доби Гордана Нацева.
