АМСМ ИНФОРМИРА: Сообраќајот на државните патишта се одвива непречено, но коловозите се влажни, а на Попова Шапка се бележат врнежи од снег со променлив интензитет кои засега не претставуваат пречка за движење.
ВНИМАТЕЛНО: Агенцијата препорачува:
- прилагодена брзина на движење,
- почитување на сообраќајната сигнализација,
- внимателно управување, особено на патиштата низ котлини, речни долини и клисури, каде постои ризик од одрони.
Особено внимание треба да се обрне на следните делници:
- Катланово – Велес
- Маврово – Дебар – Струга
- Виница – Берово
- Кочани – Делчево
Според Каменица.мк, на патниот правец Кочани – Македонска Каменица паднала голема карпа, па АМСМ апелира до возачите да бидат крајно внимателни.
