Велес, 6 февруари 2026 – По заминувањето на плејмејкерот Дерек Елис Јуниор, кошаркарскиот прволигаш Борец Баскет брзо реагираше и го ангажира новото американско засилување Зајон Јанг.
Јанг доаѓа од Чикаго, САД, со богато искуство во NCAA, каде настапувал за Oakland, Western Illinois и Southern Utah University (SUU), со вкупно 132 официјални натпревари. Минатата сезона го започна своето европско искуство во првата лига на Азербејџан, со просек од 24 поени, 4 асистенции и 40% успешност во шутот за три поени.
Американецот ќе биде веднаш на располагање на стручниот штаб и можеби ќе дебитира во недела на гостувањето кај Водно Санс. Првиот натпревар пред велешката публика ќе го има во следната недела против Охрид.
Со ангажманот на Јанг, Борец Баскет испраќа јасна порака за сериозни амбиции во продолжението од првенството и борбата за висок пласман во ТОП 8.
