Во Мајами е откриена неверојатна приказна – Маркос Томас Перез (62), поранешен полицаец и долгогодишен член на обезбедувањето на Мајами Хит, е обвинет за кражба и препродавање на повеќе од 400 дресови и сувенири од натпревари.
Перез имал привилегиран пристап до просторијата во арената „Касеја“, каде се чувале спортски предмети наменети за идниот музеј на клубот. Според обвинението, тој со години тајно крадел, а меѓу највредните украдени работи бил и дресот на Леброн Џејмс од финалето на НБА како играч на Хит.
Тој дрес прво го продал на eBay за 100.000 долари, а подоцна новиот сопственик го препродал на аукција во „Сотби“ за неверојатни 3,7 милиони долари.
Перез редовно ги продавал украдените предмети, при што вкупно заработил околу два милиони долари.
Случајот предизвика шок кај навивачите и во спортската јавност, особено поради фактот што сторителот бил човек од доверба, задолжен да го штити клубот, а не да го ограбува.
