Ливерпул е на чекор до големо засилување во одбраната, откако, според најновите информации на познатиот трансфер експерт Фабрицио Романо, постигнал договор со Барселона за ангажман на уругвајскиот стопер Роналд Араухо.
Според објавеното, договорот е за позајмица, а во наредниот период се очекува да бидат објавени сите детали околу трансферот, вклучително и распределбата на платата на дефанзивецот, како и евентуална опција или обврска за откуп по завршувањето на сезоната.
Со овој потег, Ливерпул би добил значајно засилување во последната линија пред почетокот на новата сезона во Премиер лигата, додека Барселона продолжува со реконструкција на тимот и оптимизација на буџетот во согласност со финансиските правила во Шпанија.
Доколку трансферот биде официјализиран, Араухо ќе стане едно од најзвучните летни засилувања на англискиот шампион.
