Холандската инфлуенсерка Кејт, позната по патувањата низ Европа со својата препознатлива розова веспа, предизвика големо внимание откако ги сподели своите впечатоци од престојот во Црна Гора.
За време на посетата, таа ги обиколи Свети Стефан, Кралската плажа во Милочер и плажата покрај луксузниот комплекс Свети Стефан. Најголемо изненадување за неа била цената за изнајмување чадор и две лежалки, која на овие плажи достигнува 200 евра дневно.
Инфлуенсерката забележала дека Кралската плажа била речиси целосно празна, а и на соседната плажа имало многу малку посетители во моментот кога пристигнала. Поради високите цени, таа решила да избере друга плажа каде што сет со чадор и лежалки чинел 30 евра.
Во својата објава на социјалните мрежи Кејт истакна дека никогаш не видела толку високи цени ниту на егзотични дестинации како Сејшелите и Фиџи.
Нејзината реакција отвори нова дебата за растот на цените во туристичките центри на Јадранот, каде многумина сметаат дека летувањето станува сè поскапo, а луксузните плажи остануваат полупразни и покрај врвот на сезоната.
