Италијанската спортска водителка Елеонора Инкардона повторно привлече огромно внимание на социјалните мрежи со своите нови фотографии, кои брзо станаа тема меѓу нејзините следбеници.
Познатото ТВ лице на платформата DAZN се појави во елегантен долг фустан додека престојува во Њујорк, а фотографиите за кратко време собраа илјадници реакции и коментари.
Елеонора веќе подолго време важи за една од најпознатите и најследени спортски водителки во Италија, а нејзината популарност на Инстаграм постојано расте. Во моментот ја следат околу 1,4 милиони луѓе.
Покрај елегантните модни изданија, таа често објавува и фотографии од стадиони и спортски настани. Неодамна привлече внимание и со појавувањето на стадионот Stadio Angelo Massimino, каде позираше во навивачко издание.
Според медиумите, од 2024 година е во врска со италијанскиот фудбалер Самуеле Ричи, кој настапува за AC Milan и италијанската репрезентација.
