Кристијано Роналдо најави дека актуелната сезона најверојатно ќе биде последна во неговата професионална кариера. Португалската суперѕвезда, која на 41 година и понатаму настапува за Ал-Наср, призна дека моментот за повлекување од фудбалот е сè поблиску.
„Ова е веројатно мојата последна година во фудбалот и сакам да оставам спектакуларно наследство“, изјави Роналдо во интервју за „Vogue“. Зад него се 25 години професионален фудбал и повеќе од 950 голови за клубовите и португалската репрезентација.
Роналдо откри дека веќе размислува и за животот по фудбалот. Планира повеќе да патува, да игра падел и да посвети време на други активности, признавајќи дека заминувањето од спортот кој го одбележа неговиот живот ќе остави голема празнина.
Португалецот има договор со Ал-Наср до јуни 2027 година. Минатата сезона постигна 28 првенствени голови, а во првото коло од новата сезона не настапи во победата на Ал-Наср од 3-0 над Ал-Фатех, туку натпреварот го следеше од трибините.
