Реал Мадрид ја започнува новата сезона во Ла Лига против Еспањол, а Жозе Мурињо уште пред првото коло се соочува со сериозен проблем во дефанзивната линија.
Португалскиот стратег во моментов на располагање има само тројца здрави централни дефанзивци од првиот тим – Антонио Ридигер, Ибрахима Конате и Дин Хујсен.
Најдолго ќе отсуствува Едер Милитао, кој се опоравува по операција на тетивата и неговото враќање не се очекува пред крајот на октомври. Бразилецот и во претходните сезони имаше сериозни проблеми со повреди.
Мурињо нема да може да смета ниту на Раул Асенсио. Младиот Шпанец го повредил предниот бутен мускул на десната нога и се очекува да паузира околу шест недели.
Поради ваквата ситуација, шпанските медиуми пишуваат дека Мурињо ќе мора да прекомандува еден од младите дефанзивци од академијата. Во конкуренција се Жоан Мартинез и Марио Ривас. Мартинез во Шпанија веќе го нарекуваат „новиот Серхио Рамос“, додека Ривас оставил одличен впечаток за време на подготовките.
Промени се очекуваат и на десната страна. Дензел Дамфрис би можел да стартува како десен бек, а тоа би му овозможило на Мурињо да го користи Трент Александер-Арнолд во средниот ред.
Идејата е креативноста, визијата и долгите додавања на Трент да му донесат дополнителна контрола на Реал во натпреварите во кои мадридскиот клуб ќе доминира во поседот.
Сепак, главниот проблем останува централната одбрана. Секоја дополнителна повреда или суспензија би можела сериозно да му ги наруши плановите на Мурињо уште на самиот почеток од сезоната.
