Македонскиот каратист Вукашин Јовановиќ направи вистинска сензација на Светското универзитетско првенство во боречки спортови во Бразил, откако се закити со ЗЛАТЕН МЕДАЛ и ја донесе најголемата радост за Македонија!
Во категоријата до -67 килограми, Јовановиќ стигна до титулата светски првак по драматично финале против Белгиецот Амин Абделмалки. Борбата заврши 2:2, но судиите одлучија во корист на Македонецот со 3:2 – момент што донесе експлозија од емоции и историски успех.
Патот до златото беше сè само не лесен. Во групната фаза, македонскиот ас редеше победи против противници од Чиле, Тајланд и Иран, покажувајќи доминација и стабилност уште од самиот старт.
Во четвртфиналето направи вистински „ролеркостер“ и го совлада противникот со убедливи 8:0, додека во полуфиналето повторно беше подобар од Иранецот Вафа со 8:4, со што го обезбеди финалниот меч.
Овој златен успех е четврти медал за Македонија на првенството, откако претходно беа освоени и други одличја – вклучувајќи бронза за Стефан Стојановиќ, како и сребро и бронза за тимските кумите репрезентации.
Македонија во Бразил не само што учествуваше – туку остави силен печат и се враќа со медали и светски признанија!
