Дел од корисниците на улицата „Ацо Караманов“ во скопската општина Центар утре, 17 септември, ќе останат без вода поради дефект на водоводната мрежа.
Од ЈП „Водовод и канализација“ информираат дека станува збор за дефект на приклучна цевка со димензија 5/4 на улицата „Ацо Караманов“ број 17.
Поради интервенцијата, водоснабдувањето за дел од корисниците на улицата ќе биде прекинато од 08:00 часот.
Прекинот ќе трае до целосно завршување на санацијата на дефектот, по што водоснабдувањето ќе биде нормализирано.
