ЈП „Водовод и канализација“ информира дека утре повеќе населби и населени места во Скопје ќе останат без вода поради дефект на водоводната мрежа.
Како што соопштуваат од претпријатието, поради уличен дефект на цевка со пречник Ф-600 милиметри на улицата „Борис Трајковски“, во близина на бензинската пумпа „Лукоил“ во Пинтија, ќе биде прекинато водоснабдувањето во следните населени места:
- Пинтија
- Усје
- Долно Лисиче
- Драчево
- Батинци
- Студеничани
- Моране
- Зелениково
Прекинот во водоснабдувањето ќе започне во 09:00 часот и ќе трае сè до целосното санирање на дефектот.
Од ЈП „Водовод и канализација“ апелираат граѓаните навреме да обезбедат доволни количини вода за своите потреби додека трае интервенцијата.
