Српската пејачка Теа Таировиќ се огласи од болничкиот кревет откако беше итно хоспитализирана и оперирана во Белград по сериозни здравствени компликации што се појавиле по нејзиниот концерт во Франкфурт, Германија.
Според информациите што ги пренесуваат регионалните медиуми, пејачката се соочила со животозагрозувачка состојба, поради која била неопходна итна хируршка интервенција.
Пукнал крвен сад во стомакот
Таировиќ открила дека здравствените проблеми се појавиле во неделата, на 25 октомври, кога ѝ пукнал крвен сад во стомакот.
Таа признала дека претходно чувствувала болки, но ги игнорирала предупредувачките сигнали што ѝ ги испраќал организмот.
Пејачката ја признала и сопствената одговорност за влошувањето на здравствената состојба, посочувајќи дека направила грешка што не реагирала навреме.
Ги откажува настапите
По операцијата, Таировиќ им се обратила на своите следбеници преку социјалните мрежи и соопштила дека во наредниот период нема да настапува.
„Драги мои, голем поздрав до сите вас од болничкиот кревет, за жал. Сакам да ве известам дека во наредниот период нема да се дружиме поради моите здравствени проблеми“, порача пејачката.
Таа истакнала дека паузата од настапите ѝ паѓа тешко, но дека закрепнувањето во моментов е неопходно.
Веста за нејзината здравствена состојба предизвика загриженост меѓу обожавателите, кои ѝ испраќаат пораки со поддршка и желби за брзо закрепнување.
